٢٧‏/٠١‏/٢٠٠٧

Interview




اولا احب اقولك انك واحشتينى اووووى.. كنت مشغول عنك شوية اليومين اللى فاتو… معلش كان عندى ظروف فى الشغل والله…
عندى خبر حلو ليكى… انا كان عندى انترفيو بوم الاتنين اللى فات .. والحمد لله الانطباع كان كويس … اخيرا فى فرصة انى اسيب صفيحة الزبالة اللى انا شغال فيها .
وشك كان حلو على …قالولى ان الاتش ار هايتصلوا بى قريب ان شاء الله… لا وايه كمان شغلى هايكون مرتبط اكتر بالكمبيوتر والجرافيك اكتر من العملى والورشة والميكانيكا .. الحمد لله …ومرتب افضل ومركز احسن وشركة اكبر … الحمد الله.
وانا هناك واحد من المهندسين الكبار اللى كانو بيعملوا معايا الانترفيو قالى "بس انت ماتنزلش الورشة ..صوتك وطريقة كلامك دى مش بتاعة ورشة" امنت على كلامه طبعا وكنت فرحان اوى… بس هما عاوزين مهارات معينة ببرامج جرافيك مشتغلتش عليها اوى زى الفرى هاندـ بس مش مشكلة هانزله كتب واتعلمه زى ماتعلمت برامج الكمبيوتر كلها… ودى هايشغلنى عنك شوية كمان اليومين اللى جايين…بس عارف انك مبسوطة وفرحانة وهاتستحملى الفترة دى..لانك ملكيش غيرى وانا مليش غيرك.
اسيبك دلوقتى عشان اعيش مع البرنامج … ادعيلى

هناك تعليقان (٢):

واحد من الناس::طارق:: يقول...

تجربة ..
نت الانشاء

صور مشبات رخام\مناقل مشبات\تفصيل مناقل يقول...

السلام عليكم

جزاك الله خيرا اخى على الموضوع الجميل
نفعنا الله واياك بكل خير ونفع بنا العباد

تحياتى لجهدك الطيب
صور مشبات
http://shomane.blogspot.com/

http://mchabat.3abber.com