٢٩‏/٠٥‏/٢٠٠٧

عشان بحبك


عشان بحبك زيادة عن اللزوم
عشان بحبك فوق الوصف والمعلوم

لانى بحبك اوى اكتر من دنيتى.. فى لحظة غبية حسيت فيها انك بتبعدى عنى الدنيا اسودت قدامى وبقيت مش شايف ولا فاهم ولا قادر اسيطر على نفسى .. دخلت فى المود الزفت دة وقفلت التليفون.
حبيبة قلبى وعمرى كله.. سامحينى لو كنت اتصرفت بغباء وانا فى المووود دة و اوعدك انه مش يتكرر تانى وانى لو زعلت منك هاجرى عليك اشتكى منك اليك .
اسف على اى لحظة حزن كنت انا السبب فيها ودة بقى اللى مش ممكن اسامح نفسى عليه ..انى اكون انا سبب حزنك ولو للحظة .. يا نهار اسود دا انا كل امنيتى فى الحياة انى اقدر اسعدك واعوضك .
والله العظيم يا عمرى انا بحبك ومليش غيرك .. ومش عاوز غيرك .. فاهمة يعنى ايه مليش غيرك؟


حبيبى الحب اللى بنا زى الطفل دة .. احنا الاتنين لازم نخلى بالنا منه لانه جميل اوى

عشان بحبك زيادة عن اللزوم
عشان بحبك فوق الوصف والمعلوم

هناك ٥٣ تعليقًا:

smraa alnil يقول...

حبيبي وروح قلبي ونور عيني كله

بجد مش عارفة اقولك ايه
طارق
بجد انت لو بتحبني الحب دة كله صدقني مش يجي حاجة جنب حبي ليك

حبيبي انا سامحتك لان الحب اللي بينا زي الطفل زي مانت قلت
لكن ان الطفل بتاعي اللي عمري ما ازعل منه ابدا
ولا اقدر استغني عنه
مش عارفة انت ازاي مش قدرت تفهم اني مش اقدر استغني عنك ولا اتخلي عنك لحظة

افتكر يوم قراية فتحتنا

افتكر كنا انا وانت مبسوطين اد ايه
افتكر ل لحظة حلوة وموقف اتعرضنا ليه
كل حاجة في اي حاجة بتثبتلك اد ايه انا بحبك

انا بحزن لما احس اني انا اللي مش قادرة اسعدك


انا اللي بحبك اوي يا طارق
وبجد مش اقدر استغني عنك

بجد انا مستنية يوم خطوبتنا دة بفارغ الصبر
عشان تبقي دبلتي في ايدك وعليها اسمك محفور زي مانت محفور في قلبي
وجوة عيني

بحبك يا عمري كله
بحبك بحبك بحبك بحبك
واوعي يكون عندك شك لحظة واحدة في اني عايزاك

بجد اسعدتني
ووالله العظيم انا مبسوطة وانا معاك
مجرد الفكرة اني هكون معاك دي في حد ذاتها بتسببلي السعادة
ربنا يخليك ليا يا اغلي حاجة

ويتمم يومنا علي خير
ويتمم لينا علي خير يارب

طارق مش ان الوقت بقي تعزمونا عندكم

وتاكلونا جاتوه زي ما احنا اكلناكم :)
وبعدين يا بيه جهز نفسك عشان ننزل نجيب الدبل


بحبك يا عمري كله

واحد من الناس::طارق:: يقول...

حبيبي وروح قلبي ونور عيني كله
- ردى على يا انجى-

بجد مش عارفة اقولك ايه
- مش مهم تتكلمى ..كفاية ان عينك هى اللى تقولى-

بجد انت لو بتحبني الحب دة كله صدقني مش يجي حاجة جنب حبي ليك
- لا صدقينى انتى هايجى تلات اربع حاجات جنب حبك .. الحاجة الواحد منهم اكبر من حبك عشر مرات -

حبيبي انا سامحتك لان الحب اللي بينا زي الطفل زي مانت قلت
لكن ان الطفل بتاعي اللي عمري ما ازعل منه ابدا
ولا اقدر استغني عنه
مش عارفة انت ازاي مش قدرت تفهم اني مش اقدر استغني عنك ولا اتخلي عنك لحظة
- فهمت بس مش قادر استوعب يا عمرى-

افتكر يوم قراية فتحتنا
افتكر كنا انا وانت مبسوطين اد ايه
افتكر ل لحظة حلوة وموقف اتعرضنا ليه
كل حاجة في اي حاجة بتثبتلك اد ايه انا بحبك
- فاكر يا عمرى .. وكل لحظة بثبتلك انى بعشقك -

انا بحزن لما احس اني انا اللي مش قادرة اسعدك
- وانا بموت لما بحس انك حزينة-

انا اللي بحبك اوي يا طارق
وبجد مش اقدر استغني عنك
- ربنا يكملنا على خير يا حبيبتى ويهون الايام -

بجد انا مستنية يوم خطوبتنا دة بفارغ الصبر
عشان تبقي دبلتي في ايدك وعليها اسمك محفور زي مانت محفور في قلبي
وجوة عيني
- عارفة ...انا حسيت انى خطبتك من اول يوم شوفتك فيه-

بحبك يا عمري كله
بحبك بحبك بحبك بحبك
واوعي يكون عندك شك لحظة واحدة في اني عايزاك
- بحبك زيادة عن اللزوم .. بحبك فوق الوصف والمعلوم -

بجد اسعدتني
ووالله العظيم انا مبسوطة وانا معاك
مجرد الفكرة اني هكون معاك دي في حد ذاتها بتسببلي السعادة
ربنا يخليك ليا يا اغلي حاجة
- بحـــــــــــــــــــــــــــــــــــــبك

ويتمم يومنا علي خير
ويتمم لينا علي خير يارب
- اميـــــن
-===================

طارق مش ان الوقت بقي تعزمونا عندكم
وتاكلونا جاتوه زي ما احنا اكلناكم :)
- انتو هاتزلونا .. -
=====================
وبعدين يا بيه جهز نفسك عشان ننزل نجيب الدبل
- ان شاء الله يا حبيبى-

بحبك يا عمري كله
- مليش غيرك يا انجى -

safa7_karmooz يقول...

احم احم

كح كح كح

ولا بلاش

اخلع انا :D

ربنا يخليكوا لبعض ...يارب بجد بجد بجد

الواحد بيفرح لما بيلاقى قلبين بيبقوا قلب واحد كده

امسح الكومنت بقى عشان مبقاش عزول :D

البنت الشلبية يقول...

مساء الخير انا داخلة اهنى وامشى مبروك وعقبال الكل وربنا يبارك عليكم وفيكم

Unknown يقول...

ايه ده كله ايه ده كله


كده عينى عينك نهاراً جهاراً على النت كده


ربنا يخليكوا لبعض و الف الف مبروك و على فكره انا اول مره اعرف انكم اتخطبتم لبعض

بس بجد يا بختكم ببعض و ربنا يسعدكم


تحياتى يا طارق و ربنا يسعدك كمان و كمان

واحد صاحبك مأثر معاك جداً بس يا ريت ابقى اشوفك عندى

The Alien يقول...

أنا إنسان سعيد
ومبسوط بيكوا أكتر ما تتخيلوا
وهكون مبسوط أكتر لما أكل الجاتوه معاكوا ف الخطوبة

تحياتي

مصر هى أمى يقول...

والله العظيم هولع فيك وفيها

يعنى اتقرف انا بمشاكلكوا واقعد اصلح بينكوا ومفيش كلمة شكر ولا حتى اسمى يكتب
ماشى والله ماهسيب ولا حتة جاتوه فى الخطوبة

المهم يا طارق والكلمة ديه ليك هرجع اقولك خليك قوى لازم البنت تحس ان جوزها قوى حيطة تقدر تحميها وتتسند عليها


ربنا يباركلكم ويتتم على خير ان شاء الله


انجى متخافيش طارق خلاص هيستلف البدلة بتاعتى هوا قاسها خلاص ولقينا هوا بيلبس مقاس 46 وانا مقاس 64 يعنى
قريبين من بعض شوية

KOKKO يقول...

مبروووووووووك مقدما
ويارب يسعدكوا ببعض
الحب الحقيقى مش بيجى غير مره فى العمر .عشان كده اظن انه يحتاج الرعايه من اطرافه,ويستحق انهم يجافظوا عليه ويقدروا قيمته
عموما انتوا اديتونى امل ان لسه فى ناس بتحب بجد
كنت فاهمه ان الصنف ده انقرض

reri يقول...

مبروووووووووووووووووك
للمره المليون
ليك وليها
ما تعرفوش حكايتكوا دي عامله إيه معايا
مبروك يا طارق لأنك إنسان وتستاهل كل خير
مبروك يا إنجي فاكره لما قلت إسلبكوا بقي شبهه بعضه وخليكي فاكره أنا فضلت هششششششششششش
ههههههههههههه
حتي إسألي طارق

ربنا يتمملكوا بخير يا رب
حابه قصتكوا أوي أوي أوي

reri يقول...

أه ما تنسوش تعزمونا بقي
وكتروا الجاتوه علشان في وحوش
ههههههههه

سلامااااااااااات

البنت الشلبية يقول...

الله عليك بجد انا بموت فى اغنية البنت الشلبية

ومبرووووك وبرده مش هتنازل عن الحاجة الساقعة الكبيرة

Reemo يقول...

أنا لما عرفت قلت لازم أقول مبروك
سمرا انتى عارفه أنا بحبك قد ايه بجد
ومبسوطه أوى انك مبسوطه وسعيده كده
ربنا يديمها عليكى يا رب
ويهنيكى انتى وطارق على طول
تحياتى

Amr Ahmed يقول...

مساء الخير يا ولاااااااد

طب اعلق انا اقول ايه بقي

وبعدين والنبي ابقو راضو محمد عادل باي كلمة
احسن ده
غلبان
هيهيهيهيهي

اما بقي انه يعزمكم عنده
فانا اؤيد هذا الاقتراح
علشان انا هاجي انا ومحمد عادل

وانزلوا اشترا الدبل
ولا اجيبها معايا وانا جاي
ولا ايه النظام

ربنا يوفقكم
--------------
علي فكرة يا طروق
الكود اشتغل
انا عرفت كان من ايه
برنامج الانترنت سيكيورتي
شفت بقي
حووووووووووت حوت حوت يعني

Unknown يقول...

احممممممممم احمممممممم

ارحمونا ياخلق بقا مش كدة

عايزة اقولك يا طارق بجد عرفت تختااااار واللى ياخد انجى ده هو الكسبان بجدددددد

واوعىىىى اوعىىىىى اوعىىىىىىى = 3 اوعى

تزعلها ابدااااااااااااااااااااا

مافيش احن ولا اطيب ولا احلى ولا اجدع من البنت دى بجددد


وألف مليووووووووووووووووون مبرووووووووووووووك وعقبال يااااااااارب لما نباركلكم على الخطوبة والجواز والنونو الجميل اللى شبه اللى فى الصورة ده

ملحوظة:

بت يا إنجى .. الواد كاميكاز عايز حتة من الجاتوه .. إنتى فاهمة ولا لأ؟؟؟؟؟؟

a7lam 3adya يقول...

انا حماتك يا انوج

ربنا يتمم لكم على خير يا رب ويكون طارق هو جوزك فى الدنيا وفى الاخرة كمان
على فكرة الدعوة دى معناها كبير اووى ويا رب تتحقق

وانت يا طارق متزعلهاش تانى

خلوا بالكم من بعض اوى

مـحـمـد مـفـيـد يقول...

مبروك يا طارق
الف الف مبروك وبصراحه انت وانجي تستاهلوا كل خير

خمسة فضفضة يقول...

السلام عليكم ورحمة الله وبركاته

الف مبروك يا طارق وربنا يتمم علي خير

مبروك يا انوج مش قلتلك يابنتي داري علي شمعتك تقيد ،الحاجات دي بتتنظر ....مابتسمعيش الكلام ابدا ...هههههه

ربنا يهنيكوا يارب ويبعد عنكوا العين

تحياتي

غير معرف يقول...

مبارك لكما

ادعوك يا طارق للمشاركة في استفتاء

اكثر 10 مدونات تاثيرا في قرائها

لعل مدونتك تكون منهم

اليك الرابط

http://www.6ef.blogspot.com/

رفقة عمر يقول...

الف مبروك انا قلت لانجى انا هبارك لطارق بنفسى بس بعد الخطوبه الف مبروك يا طارق انجى تستاهل كل خير وهى كمان بتقول انك طيب قوى وهى بتحبك بجد ربنا يبارك لكم يارب ويتك عليكم بالف خير ويحفظكم من العين

frozen love يقول...

مش عارف اقول ايه والله
انا انشغلت لدرجة اني معرفتش
عرفت من انجي بس مفهمتش

مبروك يا طارق والله
الطيبون للطيبات فعلا..انتم الاتنين ربنا هيكرمكم...عشان انا من الناس اللي شفتكم وعارف قد ايه انتم طيبين..ربنا يخليكم لبعض

10000000000 mbrok

غير معرف يقول...

السلام عليكم


مبروك مبروك مبروك
مبروك مبروك
مبروك

ألف مبروك ليكم

وربنا يتمم بخير

إن شاء الله

Amany Y. El-Saeed يقول...

أسكت...كنت هعمل عملة سوده دلوقتي...دخلت مدونة واحد من الناس تانيه وأقعدت أرغىىىىىىى و ع الخطوبة و بتاع...لكن ربنا ستر...لحقت نفسي على آخر لحظه
ألف مبروووووك

Hayam يقول...

ايه ده ايه ده ايه ده
الف اسم الله اللهم احرس واحمسهم واحفظهم يارب

انا شكلي حأغلي البوست الي حطيتو
ده انتو نورتو الدنيا في اعنيا

كنت داخلة بس اقول الف مبروك لطارق وعلى الله ميطلعش زيك ويطلع اجدع منك ويعمزمنا

سلام حبيت بس اتمنالك امنية أبدية
في عز لحظات الأسى والحزن يلاقي كل واحد منكم حضن التاني يضمو

سلام

محمد عبد الغفار يقول...

مبروك وربنا يهنيكم ببعض

أمــانــى يقول...

الــف الـــــف مبـــروك يتمملكم على خيـــــــــر يارب آمـــــــــــــين ويســــــــعدكم يــــــــــارب آمــــــــــــــــين

ma 3lina يقول...

أولا ..
بارك الله لكما وبارك عليكما وجمع بينكما في خير وعلى خير

اللهم صب عليهما الخير صبا ولا تجعل عيشهما كدا

ثانياً ..
ما تأخروش كتب الكتاب عجلو بالعجل المستعجل وفرحونا بقى

ثالثاً ..
فين الجاتوووووووووم ؟؟؟

eldoctor يقول...

بارك الله لكما و بارك عليكما و جمع بينكما فى خير

šσяšαяαα يقول...

السلاااااام عليكم

الف مبروووك ياجماااعة بجد فرحتووونا جداااا وربنا يتمملكو على خير

دى اول مرة اتشرف بزيارة المدونة بس فعلا الطيبون للطيبات

وسمووووورة دى غاااالية علينااا أوى

يازين ماخترت.. ربنا يهنيكو ويصرف عنكو اى سوء

تحيااااتى ليكووو

واحد من الناس::طارق:: يقول...
أزال المؤلف هذا التعليق.
واحد من الناس::طارق:: يقول...

اسف يا جماعة والله على التأخير

سفاح كرموز
ازيك يا باشا ... كفاية زوقك والكح كح والاحم احم اللى سبقوا كلامك.
ايوة كدة ادعيلنا دايما .. مش تتصور محتاجين الدعا اد ايه .

شلبية..
الله يبارك فيكى يا ستى .. بالنسبة للاغنية فطبعا دى اغنية ساحرة خارج المنافسة دايما .. بالنسبة للحاجة الساقعة الكبيييييرة
مش عارف كفاية دى ولا ايه

واحد من الناس::طارق:: يقول...

ايلارى باشا..
وااله انا كمان مقصر معاك اوى ..مع انى مش شفتك غير مرة واحد بس فعلا حسيت اننا ممكن نبقى اصحاب اوى .. متهيألى وصلك الاحساس دة برضو .ان شاء الله لما نتقابل قريب لما ترجع من السفر ... شفت انا متابعك ازاى.

بشووووى
والله انا مبسسوووط اوى انك مبسوط وانا شفت الفرحة فى عنيك اوى لما اتقابلنا فى حفلة وسط البلد .. وزغرطلى وخدتنى بالحضن كمان.
والله يا بنى انت انسان جميل اوى وانا بحبك اوى .

واحد من الناس::طارق:: يقول...

محمد ..
يا بنى انت عارف مكانك فى قلوبنا .. من غير لا نار ولا ولعة. ومن غير جاتوه كمان.

واحد من الناس::طارق:: يقول...

كوكو
الله يبارك فيك يا باشا

رحااااااب
الله يبارك فيكى ... ماتبقيش مادية انتى كمان وتحطى عينك على الجاتوه.
مين جاب سيرة جاتوه اصلا ... هششششششششششششششش

ريمو
الله يبارك فيكى .. وربنا يسعدكم كلكم

واحد من الناس::طارق:: يقول...

عموووور
الف شكر يا جميل وعقبالك ان شاء الله كدة

انسانة
طبعا كسبان.. كسبان روحى وعقلى وقلبى وعمرى اللى جاى ودوا الايام اللى راحت
ازعلها..؟.. انا مابستحملش نظرة حزن واحدة فى عنيها وهى ظلمانى ..يبقى ازاى اكون انا السبب فى لحظة حزن توجعها ثانية واحدة

واحد من الناس::طارق:: يقول...

نانا
ازيك ... عاملة ايه ؟
ربنا يسمع منك دعوتك الجميلة دى. .. وعقبالك

محمد مفيد
الله يبارك فيك .. ومتشكر جدا

واحد من الناس::طارق:: يقول...

خمسة فضفضة
الله يبارك فيكى.. ادعيلنا بس ربنا يكملنا على خير

منة الله
الله يبارك فيكى ..
ان شاء الله اشارك معاكم

رفقة عمر
الله يبارك فيكى ونتشكر اوى على مشاعرك الجميلة دى

واحد من الناس::طارق:: يقول...

محمد حامد
والله والله واحشنى اوى .. انا شفتك كام مرة .. هما مرتين بس بجد حبيتك اوى . والله يبترك فيك يا جميل وعاوز اشوفك قريب ان شاء الله

mesh2dra
الله يبارك فيكى

أمانى
لا نصحى مع بحض شوية ونركز.
على العموم الله يبارك فيكى

youma
الله يبارك فيكى وجميلة اوى الامنية بتاعتك دى

واحد من الناس::طارق:: يقول...

Mohamed A. Ghaffar
متشكر جدا يا استاذ محمد والله يبارك فيك

أمــانــى
الله يبارك فيكى يا امانى

ma_3alina
الله يبارك فيك

eldoctor
ايمن يا رب العالمين

SoRsaRaa
الله يبارك فيكى ونورتى المدونة
امين يا رب

Unknown يقول...

لولولى لولولىل لولىلل


معلش اصلى مش بعرف ازغرط اوى


بس بجد فرحتلك جداً يا طارق انت وانجى و ربنا يفرحكم اكتر و اكتر


الف مبروووووووووووووووووووووووووووووك

تحياتى

Doba يقول...

دقوا المزاهر يلا يا اهل البيت تعالووووووووووو جمع ووفق والله وصدقوا اللى قالوا --- عين الحسووووووو

انا هغنى بصوت عالى ولا ايه - احم احم دستور يا اللى هنا - مبروك يا شباب ودايما فى سعادة وفرحة وشوق وغرام

تحياتى ----هبة

كلبوزة لكن سمباتيك يقول...

:)
عيني عليكم باردة
ربنا يسعدكم
الف مبروك
تحياتي

koukawy يقول...

مبروك ربنا يوفقكوا و تفرحوا بالبيبي
بس كلمه في سرك
بلاش الحب عبر المدونه عشان الناس الحاسودي و الحاقودي كتير
ههههههههه
ربنا يحفظكوا

البنت الشلبية يقول...

كل دى حاجة ساقعة ده انا اشرب فيها سنة بحالها واعمل منها افراح كمان

هع هع هع

قلب أبيــض يقول...

الف الف مبرك وبنا ييتتمم بخيييييييييير
تحياتى القلبية

اه يا دماغى يقول...

حلوة مدونة جدا
وان شاء الله حتابعها علطول
وادعوك لزيارة مدونتى
تحياتى

FloNa يقول...

ربنا يكبرلكم حبكم ويباركلكم فيه في رضا الله يارب باذن الله :) :)

ويجمعكم مع بعض قريب كمان :)

khaled يقول...

الف مبروك يا طارق معنها جت متأخر شويه
عايزين كده بقه حاجه زى طهقان وطهقانه
ولا لسه بدرى على الطهق

maioya يقول...

مبروك ياطارق
مبروكي عليكي ياانجي
ربنا يتمملكوا علي خير
وعقبال الليله الكبيره بقي
يبقي فرح علي طول مش خطوبه

Egyptos يقول...

يهنيكم ببعض يا عم و تعيشوا زى الأطفال اللى حبهم صادق بدون تزييف

ساره البحر يقول...

بجد مش عارفه اقولكم ايه
لو وصفت الاحساس اللي انا فيه بسببكم
الكلام مش هيكفي
دخلت البوست ده بالصدفهه عن طريق صوره في جوجل
لقيت نفسي مبسوطه وفرحانه وعندي امل بجد تاني في الحياه
ربنا يخليكم لبعض يا انجي ويا طارق
وما يحرمكمش من بعض ابدا
والله بحبك انتم الاتنين من حبكم ليعض
بس ما تنسوش تعرفوني معاد الفرح عشان فرحتي تكمل هههههههههههههههه

همس الحياه يقول...

ايه يعم الرومنسية دى لا احنا ناس حساسة ونقدرش على كدة ربنا يبركلكوا فى بعض وفى حبكم ويكرمكم ان شاء الله

صور مشبات رخام\مناقل مشبات\تفصيل مناقل يقول...

السلام عليكم

جزاك الله خيرا اخى على الموضوع الجميل
نفعنا الله واياك بكل خير ونفع بنا العباد

تحياتى لجهدك الطيب
صور مشبات
http://shomane.blogspot.com/

http://mchabat.3abber.com

Unknown يقول...

شركة المثالية للتنظيف بالخبر
شركة المثالية لتنظيف المنازل بالخبر
شركة الصفرات للتنظيف