٠١‏/٠٧‏/٢٠٠٧

عارفة


حبيبة قلبى وعمرى وايامى وسنينى..
عارف ان اليومين اللى فاتوا كانوا رخمين اوى وزحمة اوى وتعبونا اوى اوى .. اسمحيلى اخد بايدك بعيد عن الناس دى كلها ونتمشى فى شوية عشان فى كلام سر عاوز اقولهم ليكى ..شششششش

نور عينى..
انا بحبك اووووووى ومحتجالك اوى ..
عارفة انى اول ما بمسك ايدك بحس ان لاقتنى.. ببيقى عاوز اضفر دراعى كله مع دراعك .. عاوز اجدلهم مع بعض مايفترقوش ابد.
عارفة .. اول ما ببص فى وشك بحس كأنى رجعت لوطنى واهلى وناسى ..بقيت حافظ تضاريس وشك زهرة زهرة فى كل بستان و دمعة دمعة فى كل نهر.
عارفة.. بمووووووووت بموووووت بجد لما بحس انى مش قادر اشيل لحظة حزن من عنيكى ... بحاول اعوضك عن كل الحزن والالم اللى شوفتيه..
عارفة يا انجى .. والله والله ماهتلاقى حد بيحبك زى ولا شايفك زى ولا هايستحملك زى ولا احن منى عليكى .
عارفة يا انجى .. انتى مش هتقدرة تتخيلى ولا تعرفى حبى ليكى شكله ايه ولا اد ايه ولا ممكن اعمل ايه عشانك ولا بعمل ايه عشانك من غير حتى ما قولك انا بعمل .. بس كل اللى اقدر اقولك عليه ان حبى ليكى زيادة عن اللزوم . وفوق الوصف والمعلوم.

بحلم باليوم الى ربنا يجمعنا فيه سوا فى بيت واحد .. عارفة هاقولك ايه ساعتها واحنا داخلين من باب البيت ..؟ هاقولك حمد لله على السلامة.

يلا نرجع بقى لحسن نتأخر ..
بحــبــــــــــــــــــــــــــك

هناك ١٧ تعليقًا:

Hadota ... حدوتة يقول...

انا مش عارفة المفروض ابقى اول حد يعلق هنا ولا ايه
المفروض ان اول تعليق محجوز لانجى

بس بجد ربنا يسعدكم ويهنيكم
ويتمم لكم بالف خير
انا سمعت كل الكلام السر اللى انت قولتوه

نصيحة ليكم انتوا الاتنين
خلوا بالكم من بعض اوى
ومتفرطوش فى بعض ابدا مهما حصل
ومتخلوش اى لحظة حزن تدايقكم او تأثر على صفوكم سوا
لان مش من السهل النهاردة الواحد يلاقى حد يحبه بجد
حافظوا على بعض وخلوا بالكم من بعض

وبصراحة ماشاء الله يابختكم ببعض وبحبكم لبعض
انا مش بقر والله ولا بحسد
بس مبسوطة بيكم اوى

خمسة فضفضة يقول...

السلام عليكم ورحمة الله وبركاته

ربنا يسعدكم ويهنيكم ويجمع بينكم علي خير

بحاول اكون يقول...

ربنا يهنيكم ويتمم لكم على خير وتقدروا تحافظوا على الحب والاخلاص اللى بينكم ربنا يديم عليكم السعادة والحب يارب

البنت الشلبية يقول...

ربنا يبارك فيكم ويتتملكم على خير ويبعد عنكم العين الصفرا والحمرا والخضرا

غير معرف يقول...

السلام عليكم ورحمة الله وبركاته

بارك الله لك وبارك عليك وجمع بينكما في خير

غير معرف يقول...

حيبي قلبي طارق باشا والله واحشني بس ايه الكلام الجميل ده مكنتش عارف انك شاعر كمان يا باشا ربنا يوفقكم
بس بردو يا عم ابقي عبرنا ولا ايه انت منفضلي خالص بس مش زعلان علشان عارف انك مشغول

غير معرف يقول...

ياطارق هيه سمراء قفلت مدونتها ليه

خليك فى البيت يقول...

ندوعوكم لزيارة مدونة خليك فى البيت والمشاركة فى الحملة

واحد من الناس::طارق:: يقول...

Hadota
اللهم امين .. والف شكر على الكلام و المشاعر الجميلة دى.
عارفة .. والله دة شئ يفرحنى ان الدنيا كلها تعرف الكلام اللى بقولو لها عشان يعرفوا ان بحبها اد ايه.

خمسة فضفضة
وعليكم السلام ورحمة الله وبركاته .. ربنا يسمع منك يا رب ومحتاجين دعاوتكم اوىز

بحاول اكون
امين يا رب العالمين .. متشكر جدا.

shlapia
الصفرا والحمرا والخضرا والزرقاء والبنفسجى والكروهات والمقلمة والسادة وكل موديلات العيون الطبيعية والعدسات الصناعية.

حمااااادة
والله يا باشا واحشنى وعارف انى مقصر معاك بس والله انشغلت بطريقة فظيعة... معلش متزعلش.. اشوفك قريب ان شاء الله

مجهول
مفيش حاجة ان شاء الله هى بس اضايقت من كام كومنت كدة وكمان النت فاصل معظم الوقت ومش بتقدر تتابع المدونة كويس وكمان انشغلت اوووى ... فهى شافت ان مناسب دلوقتى انها تظبط الامور الاول وبعدين ترجع تتابع المدونة .

Ana keda يقول...

ربنا يخليكوا لبعض يا طارق
انا ممكن اول مرة اعلق عندك بس انت متعرفش معزتك عندى عشان انت بتحب انجى بس وربنا يعلم انجى ايه عندى مع انى معرفهاش غير قراية

وانا مقدرش اقول ان ربنا يجمعكم فى خير دايما

بس انا زعلاااااانة من انجى وبما انك هتكلمها قولها متقفلش المدونة بجد لانى اضايقت وهى مش حاطة اى حد يعمل كومنت ومش عارفة اعمل ايه وقولها اننا جنبها دايما ولو هى مشغولة هنقدرده بس متقفلهاش
معلش طولت عليك يا طارق

كراكيب عادل يقول...

اية كلام العشاق دة رجعتني لايام خطوبتي مع اني متجوز من 10 سنين

يارب يسعدكم ويهنيكم ويبارك لك فيها

ويبعد عنكم كل الحاسدين

مبروك يا طارق

بس دة مش كلام سر

هو اعلان حب علي الملاء

ومالة انت بتحبها وهي بتحبك

هو الحب عيب

:)

reri يقول...

سيدي يا سيدي
هو ده الكلام السر ؟؟؟
سرك في بيييييييييييير
:))))
ربنا يهنيكم ويسعدكم

سلاماااااااااات يا طارق
وإبقي سلم علي البت أنووووووووج

Charisma Queen يقول...

اصلا انا حكمت علي مامتي تدعي ل انجي كل ماالاقيها واقفه بتصلي اكح جنبها عشان تفتكر و اول مره شوفت انجي في الساقيه النهارده في حفلة علي الالفي كنت مبسوطه اوي اوي يا ريت يا طارق تخلي بالك من انجي و النبي ولو ان باين انك مش محتاج توصيه بس بجد انجي دي فنانه عشان خلت ناس كتير تحبها منغير ماتشوفها و اعزموني في فرحكو بقي متنسونيش....عاشقة انجي...سلسبيل

Unknown يقول...

صديقى العزيز طرووق
انا جاى مخصوص هنا عندك علشان قلت اكيد مفيش حد هيقدر يخرج انجى من الحاله الى هيه فيها غيرك و كمان يخليها ترجع للمدونه تان

بجد انا بحبكم جداً انتم الاتنين و حاسس انكم زى اخواتى و بتمنى لكم دايماً السعاده
و عايزك تعرف انجى ان سمراء النيل ليها مكانه خاصه عندنا كلنا و مش بسهوله كده تقفل مدونتهااااااااا



تحياتى يا صاحبى و ربنا معاكم و يسعدكم

maioya يقول...

الكلام السر احنا كلنا شوفناه
وهانحسدكم دلوقتي :P
ربنا يخليكو لبعض دايما وابدا
مش يفرقكو في يوم ابدا
ويجمع بينكم علي خير دايما يارب

غير معرف يقول...

مش عارفة مفروض اعلق ولا لاء.. لكن لازم ادعى لكم ربنا يجمع بينكم فى الخير ويتمم فرحتكم ويبعد عنكم عين الحسود وايقوا بخروا احسن تتحسدوا

رباب

غير معرف يقول...

ايوه يــاعـم ايوه
يابختك يــاأنـــــــــــــووووج ربنا يخليكم لبعض وميحرمكم ابدا من بعض وعيزين نسمع عنكم اخبار حلوه ووصل لانووج انها تروق كده وترجع تاني لمدونتها