06‏/08‏/2007

الموت



الموت
المهندس الشاب زميلى فى الشغل معدى على الورشة زى ما بعدى انا كل يوم .بيعدى بين تلك الكيانات العملاقة المتحركة هنا وهناك بنفس الطريقة اللى بعدى بيها انا..لكن المرة دى الاتوبيس اللى راجع لوراء مكنش فيه فرامل .. دهس زميلى الشاب فى الحيطة. مات فى الحال.. انتهت حياته خلاص فى يوم عادى جدا ومن غير مقدمات .

...........................................


قرر العودة الى حياته الاصلية التى يتقنها وتتقنه.. التى يعرفها وتعرفه ..يعرف كل منها كم يتلائم مع الاخر..
قرر ان يذهب الى عمله يوميا وان يعبر ذلك الطريق السريع القاتل بطبعه ..لعل الطريق يقوم بعمله الذى يتقنه كل يوم ويختاره هو.
يعبر الطريق بعد ان فشل الاخير فى القيام بالشئ الوحيد الذى يجيده..
قرر ان يقتل نفسه عملا.. لا راحة ..المزيد والمزيد من العمل ..لن يغادر العمل حتى يدرك انه لو يعد قادر على ان يتحرك من مكانه.
قرر الموت سهرا ونوما وعملا .. عاد اليه وجهه العابس الشاحب المتبلد الخالى من مشاعر فلم تعد خارطة العالم تعنيه.

لم يعد يعرف
مبقاش عارف هو مين بالظبط..طول عمره عارف انه غير صالح للاستخدام الادمى ..لازم يعيش لوحده ..محدش هايستوعبه.. مبقاش عارف هل هو الملاك الرقيق اللى متطلعش منها العيبة ..ولا هو الشيطان الحقير اللى ملعون فى كل كتاب .

سألت نفسى كتير..مارستش يوم على بر
انا اللى فى الخير ولا اللى فى الشر
مليان عيوب ولا..
خالى من الذنوب ولا..
ولا انا جواى ومش دارى الاتنين فى بعض
و 500 حاجة وملهمش دعوة ببعض




هناك 24 تعليقًا:

smraa alnil يقول...

حبيبي

سلامتك من اي لحظة حزن تعدي عليك

اولا ان شاء الله ربنا هيرحم زميلك ووحياة الي حاجة خلي بالك من نفسك

بالنسبة للكلام اللي تحت

اكيد هو لو قرر يرجع لحياته الاصلية مش هيعرف

عشان مش حياته الاصلية هتتلائم معاه

اصله لقي نفسه في الحياة الجديدةواكيد مش معني انه زعلان من حاجة انه يستسلم بالسهورلة دي ويرجع لحياته الكئيبة من تاني

بس هو لو حب يموت نفسه سهر وشغل وعم نوم

تفتكر ان في غيره هيرتاح

انا عن نفسي عارفة هو مين

مش هقولك غير انه بجد
ملاك ماشي علي الارض


كفاية انه ملاكي انا

اللي بيحرسني


بحبك اويوالله
ومش اقدر استغني عنك

انا ما صدقت لقيتك يا عمري

bos bos يقول...

ربنا يرحم زميلك فى العمل ويدخله فسيح جناته أن شاء الله
وصدقنى لو الشغل والسهر والحاجات دى بتنفع كنا عملنا كده بس دى حاجة حتى لو هتريح حد هتتعب غيره

أبو ضحى يقول...

البقاء لله فى زميلك

-----------------

أن تقتل نفسك عملا و الحزن لا يزال يسكنك يعنى أن تقتل نفسك بسلاحى الحزن و العمل معا

عزيزى حاول أن تجد مخرجا من حزنك أولا و بعد ذلك ستجد نفسك مقبلا على الحياة كلها بقلب يستطيع استيعاب كل شئ

------------------
بتسأل انت مين
و مين سمعك ما انا بردو فى الضباب معاك و يمكن فى غيرنا كتير

المهم ندور جوه نفسنا و جوه الناس اللى بيحبونا و نحبهم عن حقيقتنا
أكيد هنلاقيها

تحياتى

Reemo يقول...

بجد مش عارفه اقولك ايه
التدوينات اللى بقراها والأخبار اللى بسمعها بتحمل معاها رائحه الموت بشكل غريب
ربنا يستر على كل الأحوال
البقاء لله فى زميلك
ربنا يرحمه ويدخله فسيح جناته يارب
امين

hosnysoliman يقول...

الاخ والابن العزيز والحبيب طارق
الموت سنة من سنن الخالق واشد ما فيه هو فراق الاحباب..ولكن الحياة تستمر والامل باقى وما من احد يعلم الموعد الخاص به..ومن سنة الخالق فى خلقة العبرة والنسيان..وكذلك الامل فى الغد والعمل بسعادة لبلوغ المرامات..اسعد حياتك تسعدك والبس ثوب الحياة السعيدة والغد المشرق و كن دائما على علم بان الحب هو مفتاح السعادة

S H A H يقول...

الف رحمة عليه

مقدر حزنك و زعلك عليه

بس لازم الحياة تستمر يا طارق

سلام مؤقت

ياسمين يقول...

بقالى كتير ماجتش عندك
اعذرنى
بس هتلاقينى برضه بقالى كتير مارحتش عند أى حد

واحشنى انت وسمرا
سلملى عليها

البوست حلو
والأغنية برضه أثرت فية قوى

تحياتى

واحد من الناس::طارق:: يقول...

اااااااااااااااااااااسف جدا هلى التاخير السخيف بتاع كل مرة دة ..بس والله فعلا مشغوووول جدا ...اااااسف بجد

واحد من الناس::طارق:: يقول...

حبيبتى...
عارفة انا بقيت اخاف اكتر من الاول على حياتى الجديدة دى.. لانها لاول مش كانت بتفرق معايا ولا كنت بهتم بكرة شكله ايه ولا عاوزه يجى اصلا .. بس دلوقتى كل لحظة فى دنيتى بقى ليها تمن وبقت غالية اوى ..
بحبك اوى يا عمرى وانا والله اللى ما صدقت لاقيتك وانتى عارفة دة وعارفة اد ايه انا محتاجلك .
بحبككككككككككك

واحد من الناس::طارق:: يقول...

bos bos
معاكى حق ..بس هى كانت لحظة ضيق وعدت الحمد لله ..
شكرا على الاهتمام

ابو ضحى...
ازيك يا جميل .. انت كمان عندك الحق .. وفعلا الواحد لما بيدور على نفسه جوا قلوب اللى بيحبوه بيقلايها فعلا عشان كدة دايما يحس انه تايه لما يبعده عنه.
تحياتى ليك يا ابو ضحى ويار اشوفك دايما.

reemo
امين يا رب العالمين .
فاعلا انا كمان بقيت اشوف الموت يوميا تقريبا على الطريق السريع اللى بيوصل لشغلى ...كل يوم حادثة ودم وموت ..كل يوم ..بقت حاجة تتعب فعلا ..
يا رب يا ارحم الراحيميين لو كتبتلى انى يكون الدور على وانى اكون بطل او ضحية حادثة اليوم فارحمنى براحمتك الواسعة واغفر لى .

واحد من الناس::طارق:: يقول...

ستاذ حسنى..
حضرتك واحشنى اوى بجد ونفسى اشوفك ..
وفعلا اصعب حاجة فى الموت هى الفراق للى بنجبهم واللى الحياة من بعدهم بتبقى هى الموت .. بس اصعب حاجة فى الموت للى بيموت نفسه هى هلى كان مسعد للقاء ربه ولا نسيه؟

واحد من الناس::طارق:: يقول...

s h a h
متشكر جدا .. وفعلا الحياة لازم تستمر.

واحد من الناس::طارق:: يقول...

ياسمين...
والله احنا اللى مقصرين معاكى اوىىىىى ...معلش .. عارف انك هاتسمحينا بقلبك الكبير .
طمنينا على البنات عاملين ايه ؟ ان شاء الله بخير وزى الفل.

أميرة ويلز يقول...

ربنا يتغمده برحمته
احزن كما تشاء فالحزن يعلمنا الكثير ولابد لنا ان نعيشه جيدا فى لحظات كهذه
حتى تستمر بنا الحياة بشكل افضل بعد ان تعلمنا الدرس

طارق


ممكن اوجه لك دعوة لبوست فى مدونتى عشان فيه حاجة تخصك وياريت تجيب سمرا فى ايدك وانت جاى عشان بقالها كتير مش بتيجى عندى

mraghy يقول...

ربنا يرحم زميلك فى العمل ويدخله فسيح جناته أن شاء الله
و هنا يحضرني بيت شعر شهير يقول
دع المقادير تجري في اعنتها *** ولا تبيتن الا خالي البال
وليس هناك اعظم من القرآن لنستدل به
قال تعالى :
" انما يوفى الصابرون اجرهم بغير حساب "


تقبل مروري

Fadya يقول...

انت انسان جميل وراقى ومشاعرك حلوة قوى
تعازيا فى زميلك وفى نفس الوقت لك اعجابى وتحياتى

مؤمنه يقول...

السلام عليكم ورحمة الله وبركاته
انا لله وانا اليه راجعون اللهم أجرنى فى مصيبتى واخلفنى خير منها
والسلام عليكم ورحمة الله وبركاته

tutahabibty يقول...

7'ally balak men nafsak.

whyme يقول...

الباقيه فى حياتك يا صاحبى و ربنا يريح صاحبك فى حياته الجديده و ربنا يصبر اهله و يعزيهم

اما بالنسبه للحياه الى عايشنها و بنموت نفسنا فيها و برضه مش فاهينها ولا فاهمين نفسنا فهو ده الموت بعينه لان الواحد بيموت و هو حى و دى اصعب حاجه

المهم انا كنت جايلك النهارده علشان اسلم عليك و اقولك يا ريت لو تقدر انت و سمرا تيجوا حفله الصحباجيه بكره علشان بجد واحشنى و كمان علشان نخرج من حاله الكأبه العامه الى ماشيه فى البلد

تحياتى

Mohamed يقول...

يلا يا شباب مصر, تعالوا اعرفونا و نعرفكم
و أكيد هنعمل حاجة Trateesh Kalam

chico يقول...

سبحان من له الدوام
ربنا يرحم صاحبك و يلهمك الصبر و النسيان

ahmEd_H يقول...

البقاء لله يا طارق

أبو ضحى يقول...

انت فين يا عم انت

انت مش ناوى ترجع هنا و لا ايه؟؟

صور مشبات رخام وحجر روعه وحديثه 0508146146 يقول...

السلام عليكم

جزاك الله خيرا اخى على الموضوع الجميل
نفعنا الله واياك بكل خير ونفع بنا العباد

تحياتى لجهدك الطيب
صور مشبات
http://shomane.blogspot.com/

http://mchabat.3abber.com