٢١‏/٠٤‏/٢٠٠٧

وراء الشمس

وراء الشمس..
وثائقى قناة الجزيرة اللى حاول النظام يمنع اذاعته ولفق للمعدة والمخرجة هويدا طه قضية .
اتفرجت على الحلقتين اللى اتذاعه..مفيش كلام يتقال ..اصلى هاقول ايه ..
كرهت الكلام؟.. ولا كرهت السكوت؟
كرهت نفسى ؟.. ولا كرهتهم؟
صعبوا على؟.. ولا صعبت على نفسى؟.. ولا صعبت على البلد؟
اصل اللى بيشكى وبيتكلم دة مش بيحكى عن نفسه ..لا دة بيحكى عن اللى حصله واللى هايحصلى بكرة واللى هايحصل لينا كلنا .. كلنا ضحايا محتملة.. الحكاية حكاية وقت بس مش اكتر .

شششششششششش مامنوش فايدة الكلام
الجزء الاول متقسم على خمس ملفات من مدونة
حنتكلم

وراء الشمس الحلقة الاولى 1من5 عن التعذيب في مصر




وراء الشمس الحلقة الاولى 2من5 عن التعذيب في مصر




وراء الشمس الحلقة الاولى 3من5 عن التعذيب في مصر




وراء الشمس الحلقة الاولى 4من5 عن التعذيب في مصر




وراء الشمس الحلقة الاولى 5من5 عن التعذيب في مصر








الحلقة التانية  الجزء 1





الحلقة التانية  الجزء 2





الحلقة التانية  الجزء 3





الحلقة التانية  الجزء 4





الحلقة التانية  الجزء 5






واللى عاوز ينزل الحلقات
الحلقة الاولى فى ملف واحد من موقع المحروسة

او
الحلقة الاولى متقسمة على 5 اجزاء من مدونة حنتكلم
ج1 من 5
http://www.7ntklm.com/media/1get_video.wmv
ج2 من 5
http://www.7ntklm.com/media/2get_video.wav
ج3 من5
http://www.7ntklm.com/media/3get_video.wav
ج4 من 5
http://www.7ntklm.com/media/4get_video.wav
ج5 من5
http://www.7ntklm.com/media/5get_video.wav
ملحوطة: غير امتداد اخر اربع اجزاء من
wav to wmv

الحلقة التانية فى ملف واحد من موقع المحروسة
http://www.el-ma7rousa.com/shows/elma7rousa_jsc_part2.wmv


هناك ٢٨ تعليقًا:

a7lam 3adya يقول...

بجد يا طارق انا مش عارفة اقلك ايه؟؟

انا كمان لما اتفرجت على الحلقات تعبت كتير اوى .. يعنى حسيت اد ايه احنا عايشين فى دولة العجز كلنا عاجزين عن نقول اى حاجة او نعمل اى حاجة .. وكاننا فى سيرك محبوسين فى اقفاص :(

مصر هى أمى يقول...

طارق

ليه كده يا ابنى تنشر مواضيع بتضايق الحكومة انت داخل على مواضيع مهمة

بس يا طارق انا اتفرجت على الحلقات المصيبة ان بتوع الداخلية بيقولك ديه حوادث فردية كل دول حوادث فردية ويقولك ان الداخلية حققت مع الظباط دول كتر خيرهم انهم حققوا مع الظباط لكن مين يجيب حق الناس الغلابة اللى اتعذبوا
ولا حد لان احنا بقينا شعب ملوش دية عند الحكومة

7ntklm يقول...

طارق انا رفعت الفيلم الوثائقى على الجوجل

http://video.google.com/videoplay?docid=-1237233856927379980

مش هينفع يترفع على اليوتب لزم يتجزاء فعلاً

و مفيش وقت لتقطيع

والجوجل عمل الواجب

bastokka طهقانة يقول...

انا كده بخاف
على نفسي و اولادي
و عليكم

صاحب البوابــة يقول...

وراء الشمس

جملة تلخص حال مصر

تحياتي لكل من احب تلك البلاد وسعى الى تحريرها

واحد من الناس::طارق:: يقول...

نانا..
بالظبط كدة يا نانا ... احنا فى سيرك فيه الحيوانات حابسة البنى ادمين جوا اقفاص

محمد..
المقصود بالحوادث الفردية انى اللى بيتعذب فرد واحد ..يعنى مواطب واحد فى كل مرة ... والمرحلة الجاية هى التعذيب الجماعى ... فهمت بقى ؟

حنتكلم..
تم التفيذ يا باشا

طهقانة..
حمد لله على السلامة .. هو انتى كنتى لسة مش بدأتى تخافى ؟

صاحب البوابة..
تحياتى ليك

أسوور يقول...

مافيش حاجة تتقال غير
حسبنا الله ونعم الوكيل
بس خلى بالك من نفسك يا طارق

kaed يقول...

جزاك اللة خيرا يا طارق أنت و الواد تامر على نشر هذا الوثائقى

smraa alnil يقول...

ايه يا ابني الوجع دة

هو انا ناقصة

خنقتني يا طارق لدرجة اني مش قدرت اكمل باقي الحلقات

مش قادة اتفرج عليهم عشان مش عايزة اكره البلد دي اكتر من كدة

كفاية اللي بشوفه منها

اكتب يا عم ولا يهمك
كلنا وراك يا ريس
بس انت تقدم المسيرة
وكلنا هنبقي وراك
وابقي تف علي وشي لو لقيتنا بعد كدة
:))

واحد من الناس::طارق:: يقول...

ياسمين..
طيب 3/4 الشعب المصرى قال حسبى الله ونعم الوكيل ...طب لحد امتى هانفضل نحسبن بس ..
عارفة يا ياسمين ..ساعات بقول يعنى ايه اخلى بالى من نفسى ..طب لو مشيت جنب الحيط .. تضمنى لى انهم كمان يخلو بالهم منى .. هايوفرلى عيشة زى البنى ادمين .. هايوفرلى شغل .. معاملة ادامية ..دواء رخيص .. يعنى حت لو خليت بالى من نفسى ومشيت جنب الحيط الامر كله راجع لهم برضو حسب مزاجهم.

kaed..
على ايه بس .. حتى الهبل دة اللى هو اقل القليل بنتشكر عليه ..
على العموم نورت يا قائد (خلى بالك انا كدة بلبسك تهمة جااااامدة اوى )

انجى..
ومش المقصود انك تكرهى البلد .. المهم تكرهى اللى ماسكين البلد .. اللى بيعاملونا زى الحيواناات ..وساعات كتيير اقل
انجى هو انا لو حبيت حبيت اعمل مظاهرة هاتقى اااااااخر واحد افكر انزله معايا ... فهمانى ولا ايه ؟

reri يقول...

بكرههم... بكرهه مبارك ونظامه.. بكرهه وزير الداخليه ورجالته... بكرههم ..بكرهه الفساد اللي بيحموه وبيدافعوا عنه... و متهيألي مفيش حد بيحبهم... وجودهم أساسه الفساد... بيحموه بإنهم يدونا بالجذمه... لأنهم لو ما إدوناش بيها هيضيعوا... المهم إحنا هنفضل واخدين بالجذمه وساكتين لحد إمتي؟؟؟؟؟؟؟؟؟؟

smraa alnil يقول...

ههههههههههههههه

طارق
انت قصدك اني ممكن استندل معاك
كلا وابدا

انا هفضل في المظاهرة اهتف واهلل

بس هبيعك لو لقيت العصايا في وشي

او نجري انا وانت ونديها خمسة رياضة

خمسة فضفضة يقول...

السلام عليكم ورحمة الله وبركاته

بصراحة الحلقات تعتبر قلم جامد اوي علي وش النظام و وزارة الداخليه
عندهم حق يعملوا كل اللي عملوه في هويدا طه علشان يمنعوها من اذاعتها


لك الله يامصر


شكرا ليك يا طارق علي تقليب المواجع

kaed يقول...

يابنى خليها على اللة محدش واخد منها حاجة
ومتنسلش تجيبلى كرواسون ومربة علشان انا ما بحبش الحلاوة
هاهاهاهاهاهاهاهاهاهاهاهاها

سكوت هنصوت يقول...

طارق...الكلام جميل...واروع منه التحرك..الحركة بركة...من السهل ان نظل نتألم ونتوجع ونتحسر على حال البلد...لكن الواقع ان ده مش هيحل حاجة...احنا محتاجين نهضة حقيقيه للمثقفين والجهلاء من ابناء هذا البلد..انا بدعوك بشكل شبه رسمي..انت و كل من يريد الإنضمام لعمل خلاق ومثمر..او حتى عنده فكره مهمة تقدر تساعد في نهضة البلد دي...يتفضل يشرفني بصورة مؤقته في مدونة سكوت هنصوت..و من هناك نقدر ننطلق...اشكرك

Esmeralda يقول...

انا شفت الحلقات على يو تيوب
حاجه تحزن و توجع القلب
ربنا ينور قيرهم بحريقه

واحد من الناس::طارق:: يقول...

رحاب..
لمهم إحنا هنفضل واخدين بالجذمه وساكتين لحد إمتي؟؟؟؟؟؟؟؟؟؟
بالنسبة لموضوع الجزمة دة.. فالبشكل اللى اللى احنا فى دلوقتى اقدر اقولك اننا هانفضل ناخد بالجزمة لحد مالجزمة تتبرى ويجيبه جزمة تانية يكملوا بيها المسيرة

خمسة فضفضة..
ربنا يستر ومش يردوا القلم دا لينا احنا
وبالنسبة لتقليب المواجع.. فاتشرفى فى اى وقت .. التقليب مستمر

قائد..
لما ابقى اعرفلك طريق اصلا ساعتها ابقى اجبلك اللى انت عاوزه
ربنا يسترها

سكوت هانصوت..
ربنا يسهل يا باشا... مع ان لا الكلام شكله هايجب نتيجة ولا اى زوق مع الناس دى

Esmeralda
قبورهم بس ... لا دا ربنا ينور بيتهم وقصورهم ووزارتهم وعربايتههم زجناينهم وفة الاااااااخر مسك الختام بقى قبورهم

بيتنا القديم يقول...

ليس من رأي كمن سمع

تحياتي

ويجعلو عااااااااااااااااااااااامر

-_- يقول...

اهم حبسوا هويدا طه و سكتوها خالص

ibn nasser - ابن ناصر يقول...

اه انا شفت البرنامج
واهي طه اتحكم عليها ب6 اشهر
تحياتي

غير معرف يقول...

انا اسف علي عدم التعليق مقدما ارجو التضامن معي لقياده حمله عدم سب المصريين

reri يقول...

إنت فين يا طارق ؟؟؟... إوعي تكون رحت تتفسح شويه ورا الشمس ...ههههههههههه... ما ظهرتش علي البلوج من فتره ... يا رب يكون السبب خير

سلامااااااااااااااات

واحد من الناس::طارق:: يقول...

اسف على التاخير والغيبة .. النت كان فاصل شوية وانا كنت فاصل شويتن
سمسم
sharm
ابن ناصر
fares
نورتوا يا جماعة فى الايام الضلمة اللى احنا عايشنها دى

رحاب
متشكر على السؤال بس الحمد لله انا لسة قدام الشمس

غير معرف يقول...

الحكاية حكاية وقت بس مش اكتر



...........



صدقت

reri يقول...

الحمد لله إنك ظهرت
ولسه قدام قدام الشمس
عود أحمد

سلاماااااااااات

smraa alnil يقول...

طارق

بجد مش عارفة اقولك ايه

بقي مش في حد مقدر يا طارق
وعايز ايد تتمد

عشان بخاف عليك اكتر من نفسك ونفسي ابقي مش مقدرة

مش عارفة اقولك ايه غير اني بجد اسفة اني وصلتك للاحساس دة
توقعت انك هتفهم خوفي عليك وحبي ليك

انا عارفة انك مضغوط وعندك حمل كبير اوي
وعارفةان انا السبيل الوحيد ليك

انا اسفة يا طارق اني وصلتك لمرحلة دي

جرحتني بكلامك اوي

بس تاكد اني بجد بحبك اكتر من اي حاجة في الدنيا دي
واني عايزة مصلحتك اكتر من اي حاجة تانية
انا اسفة بجد

مصر هى أمى يقول...

ايه يا ابنى منت كنت كويس امبارح

ايه اللى حصل

عموما هرجع واقولك حاجة واحدة صدقينى الحياة برغم كل ما فيها بتمشى لازم نكون واثقين فى نفسنا وواقين ان احنا نقدر نعدى اى حاجة واثق ان زى ما حد مهم فى حياتنا ان احنا كمان مهمين فى حياتهم
طارق لازم تكون اقوى من كده حتى علشان خاطر اللى انت بتحبهم يعرفوا انهم ليهم سند ودرع يحميهم
طارق البنت بتحب وبتتجوز علشان تكون اسرة وغرض تانى انها بتحتاج سند ليها حد يحميها من غدر الدنيا لازم تكون انت السند ده لازم هيا تحس ان سندها فى الدنيا مش معنى كده ان ميكونش عندك مشاعر لكن تخرج فى الوقت المناسب وانك تكون قوى ادامها ومن وراها برده لازم تكون قوى
الحياة مهما حصل فيها لازم بتستمر
صدقنى

reri يقول...

إيه يا طارق
ليه بتقول كده
بعد ما خلاص مودك بقي كويس
أنا مش فاهمه إيه سبب ده
بس يمكن من كلام إنجي ومحمد حسيت إن في مشكله
وكمان مش عايز حد يعلق
هون عليك يا طارق
طول ما في حد جنبك
وبيحبك .. يبقي كل حاجه هتتحل إن شاء الله

سلامي ليك يا طارق