٠٧‏/٠٧‏/٢٠٠٧

كل سنة وانت طيب وعبيط



عارف لما تبقى شايف نفسك طول عمرك بطريقة معينة وتكتشف ان معظم اللى حواليك واقربهم اليك (المفروض يعنى) شايفنك حاجبة تانية خالص... شايفين حاجات مش فيك .. ومش شايفين حاجاات كتير فيك.
افتكرت الموضوع دة بمناسبة عيد ميلادى النهاردة .. افتكرت اد ايه كل سنة كانت بتعدى على بتمنى فيها انى امشى من هنا .. وهنا دى تطلع اى حاجة ..تطلع البيت او البلد او الدنيا كلها المهم انى امشى .. امشى من وسط ناس حاسس انهم اغراب اوى عنى او انا غريب عنهم .. مش زى ولا انا زيهم ... مش شايفنى خالص ولو شافونى بيشوفونى بالمقلوب.
"بطل بقى الطيبة والخيابة دى"... "بقولك ايه فقولى بق كدة وبطل اليابة دى"
وكلام كتير من نفس النوعية دى كنت دايما بسمعه من البيت واتهامات كتير بحاجات مش في .. الاول كنت بحاول افهمهم وجهة نظرى وادافع عن نفسى .. بعد كدة بقيت مش بقر ولا مهتم انى ادفع التهم و الفهم الخاطئ لى .. اصيبت بالخرس والبلادة الشديدة تجاه اى حد يقولى على حاجة معملتهاش او صفة مش في .. فصلت نفسى عن العالم دى تماما ..مبقاش يهمنى ابدا ولا تفرق معايا بالمرة رايهم فى خالص كانهم مش موجودين فى حياتى .. اتعودت على كدة وانسجمت مع نفسى اوى .. حياتى بقت بالظبط كالتالى .. انا عايش فى سينما بتعرض فلم مدته عشرة خمستاشر سنة شغال عرض متواصل والناس دى هى اللى بتمثل فى الفلم وانا رايح جاى قدامهم بس هم فى بعد وعالم غيرى.. بقو عبارة عن خلفية ومزثرات صوتية فى حياتى .. هما يزعقوا ويتخانقوا مع واحد فى الفلم تقريبا طول الفلم فاهمينه غلط .. وانا مالى اكيد الكلام مش لى ..
خرجت بعد كدة للعالم اللى برة اللى هو الكلية وبعيدن الشغل .. نفس المشكلة واجهتنى مع الناس اللى بقت غبية اوى و قاسية اوى .. مش بتقدر تسمع بعض مش بتقدر ترحم اى اختلاف . الطيبة والرحمة والحنية بقت عبط ومرض .. انك تكون فى حالك مش بتتدخل فى اللى مش يخصك ولا بتتكلم ولا تتريق على خلق الله بقت انعزال وانطواء وجبن .. ان تكون الفلوس بالنسبة للك وسيلة مش غاية وانك تكون راضى بقى اسمه سكون وعدم طموح ... انك بمنتهى السهولة تقدر تطلع اللى فى جيبك لانك شايف ان صاحبك الفلانى والى بيه بقت سذاجة وهبل .
الناس كلها بقت ابطال الفلم اللى انا كل علاقتى بيه انى ساكن فى السينما اللى بتعرضه .. لكن هما فى عالم غير عالمى وفى بعد غير بعدى.
هاكمل حياتى لوحدى بعيد عن الناس وقرفهم وصراعتهم اللى معظمها يتحل بكلمة حلوة او ابتسامة ود صافية .. بس الناس مش بقت بتحب الهبل دة ولا انا بقيت احب الناس دى.
دايما بقت باصص للسما مستنى سفينة الفضاء اللى هاتنزل تاخدنى من هنا وتقولى انت ايه اللى مقعدك مع الناس دى مكانك مش هنا ..لا هايفهموك ولا هاتفهمهم ..

بحب اوى الاغنية دى .. بتبكينى اوى
لم يعد يمكن ان ابقى هنا .. فهنا يبكى على بعضى بعضى

يا كل اللى شايفين الحنية والطيبة عبط ومرض يستوجب العلاج .. انا مش عاوز اخف .. يا ريت انتوا اللى تعيوا زى .. يا رب تعيوا زى .
وبمناسبة عيد ميلادى احب اهنى نفسى واقولى
"كل سنة وانت طيب وعبيط"

بحبك اوى يا انجى

هناك ٣١ تعليقًا:

مصر هى أمى يقول...

كل سنة وانت طيب يا طارق

ايه عيد الميلاد المميز
ده 7/7/2007
بص المشكلة فعلا ان احنا بقينا نشوف الطيبة هبل وعبط ةده مش عيب فى الانسان الطيب العيب موجود فى الشخص الاخر لكنه بيدارى القصور اللى فى شخصيته بالتريقة على الانسان الطيب والصاق تهمة العبط والهبل بيه

خليك كده انت كده اللى صح متسمحش لحد يغيرك للوحش مهما كان



انا اول كومنت وبقولك

كل سنة وانت طيب

The Alien يقول...

كل سنة وإنت طيب
وعقبال 100 كمان

إنت من أجمل الشخصيات اللي قابلتها
وعشان كدا انا قررت أحققلك أمنيتك
هاخدك معاي ف مركبتي الفضائية وأنا راجع
وأوعدك إني أول ما ألاقيها هعدي عليك

كل سنة وإنت طيب
تحياتي

maioya يقول...

كل سنه وانت طيب
وعمر الطيبه والحنيه
ماكانت عيب ولاغلط
العيب فعلا انها بتكون مع الناس الغلط
وده اللي بيخليك تحس انها غلط
ومش مرغوبه في الزمن الصعب ده
هوا فعلا زي مابيقولوا
الزمن ده مش زمن الطيبه زمن الماديات
بس خليك زي ماانت متخليش اي حاجه تغيرك
وياريت فعلا اللي شايفها مرض يتعب بيها
واكيد سفينتك هاترسي في يوم من الايام علي الارض
وهايبقي العالم عالمك لوحدك بطيبتك
بكل حاجه حلوه فيك
كل سنه وانت طيب مره تانيه :)

Amr Ahmed يقول...

كل سنة وانت طيب يا زعيم

hosnysoliman يقول...

ابنى الحبيب طارق
اولا مبروك وثاتيا كل عام وانت كده طيب واهبل وبرياله كمان مفيش احسن من كده..العبقرى هو الذى يرى الناس فاقدى العبقرية انه مجنون..والعبقرى الذى لا يرى عبقريته لانها نعمة وهبت له دون ان يدرى..ان ثصدق نفسك هو الصدق بعينه وليس ان يصدقك الاخر منتهى الامر انه لا ضرر ولا ضرار

الا انى فعلا زعلان انا اخوك اخر من يعلم وبالمصادفة البحته ولكن انا انه سهو غير مقصود..الف مبروك مرة اخرى مع عظيم امنياتى بالسعادة والتوفيق..وانا على فكرة بحب انجى كمان

smraa alnil يقول...

انا بقي من ساعه ما عرفتك وحبيتك وانا فعلا شايفاك ملاك

وقلتهالك قبل كدة وهقولهالك تاني
انت بجد مش في زيك في الدميا
وانا لو لفيت الدنيا دي كلها مش هلاقي زيك ولا حتي ضفر منك يا قلبي

الناس دي مش تهمك في حاجة
كفاية اننا نكون مع بعض

نبقي في بيتنا

طارق انا اتكلمت معاك في الموضوع دة قبل كدة
وعارفة ان اللي حصل لسة مأثر عليك وتاكد انه جارحني زي ماهو جارحك
بس صدقني يا عمري كله واهلي
ان هما اللي مش طبيعين

هما اللي غلط والله
مش احنا

وبعدين مش احنا اتفقنا ان اتنين عبط بيحبوا بعض وعايزين بعض يبقي خلاص متفقين
وعايز تمشي فين بس وانا معاك
مش هتاخدني معاك
انا كمان حسيت اني مكاني مش هنا
بس لو مش كنت هنا مش كنت شفت اجمل واطيب واحن قلب

وبعدين تعالي يا بيه
دي تاني مرة تروح سينما من غيري


هاكمل حياتى لوحدى بعيد عن الناس وقرفهم وصراعتهم اللى معظمها يتحل بكلمة حلوة او ابتسامة ود صافية .. بس الناس مش بقت بتحب الهبل دة ولا انا بقيت احب الناس دى


اخس عليك يا طارق
وانا يا قلبي
يا طارق ارمي كل همومك واحزانك عليا
ارميها في حضني انا
وان شاء الله هخفف عنك
لاخر مرة هقولك ان هما اللي مش طبيعين
هما اللي غلط صدقني مش احنا

والسفينة دي بقي مش هتهوب من هنا
الا وانا معاك ايدي علي ايدك يا استاذ



بحب اوى الاغنية دى .. بتبكينى اوى
لم يعد يمكن ان ابقى هنا .. فهنا يبكى على بعضى بعضى

علي اساس اني انا سعاد يعني


مش عاوز اخف .. يا ريت انتوا اللى تعيوا زى .. يا رب تعيوا زى

هو دة طارق بقي اللي انا عايزاها
ياريت الناس يكون عندها ربع اللي عندك
اللي انت فيه
لا هو طيبة ولا مرض
دي حاجة مش موجودة في دنيتنا دي
وانت بس اللي احتكرتها
ممكن تديني شوية منها بربع
:)

بحبك اووووووووووووووووووي

كل سنة وانت طيب يا الف عمري

وحشتني اوي يا تاتو :)

محمد مصطفى يقول...

كل سنة و انت طيب يا طارق
ثم اللي شايف ان الحنية و الطيبة عبط يبقى غلطان اكيد

http://kasperb4.blogspot.com/ يقول...

الله

احييك من كل قلبي

وسعيد جدا اني مريت على مدونتك انت وسمراء
بجد خليتوني اغير فكرتي عن الدنيا

انا كنت فاكر ان الاحاسيس والمشاعر دي ف السينما بس

لكن انتو اثبتولي انها واقع

تقبلو تحيتي وياريت تقبلوني صديق العائلة

:) :)

باعتبار ما سيكون ان شاء الله

"""" """"""

وبشكرك على موضوعك المعبر
انت عبرت بقلمك عما عجزت ان اعبر به انا عن نفسي

تحيتي لك مرة تانية
اسف ع الاطالة يا استاذ طارق

reri يقول...

كل سنه وإنت لسه طيب يا طارق
كل سنه وإنت زي ما إنت صح
أه إنت صح

سلاماااااااااااااات

smraa alnil يقول...

طارق

الدنيا وحشة اوي من غيرك

بحبك اووووووووووووووووووووووووووووي

ووحشتني اوووووووووووووووووووووي

اوعي تزعل مني يا قلبي

Islamist Bloke يقول...

كل سنة وانت طيب

اتمنى انك تكون بخير

غير معرف يقول...

باشااااااااااااا
انا مبقتش علرف اكتب اي اسم غير اخوك الصغير حلاوه علشان تعرفني
علي العموم مش مشكله اكيد هبقي اديك اماره
كل سنه وانت طيب وانسان
مش انت بتقول الناس اللي في الفيلم مسمينها عبط طيب يا عم دا فيلم زي ممكله الخواتم وكينج كونج
سميها انت اي حاجه تانيه غير عبط
انا عن نفسي راي ان المفروض انه يكون هو ده الانسان طيب حنين
حتي اسال عم صلاح الشلقاني
بس بقوله ايه ابقي ادخل جوه الفيلم شويه علشان عايز اشوفك
سلام يا باشا
وعقبال اول عيد ميلاد ليك وانت مع الانسانه اللي بتحبها طبعا انا عارف هيه مين بس بسطعبط شويه

صاحب البوابــة يقول...

كل سنة وانت طيب

يا صديقي العزيز والغالي جدا

أبو ضحى يقول...

كل سنة و انت طيب يا انسان يا جميل
كل سنة و انت طيب يا طارق

و لو انت شايف نفسك عبيط بمشاعرك الجميلة دى يبقى ربنا يخليلك عبطك

و يا رب اقدر ابقى عبيط زيك

تحياتى

واحد من الناس::طارق:: يقول...

ااااااااااااااااااااااسف يا جماعة والله على التاخير السخيييييف دة ... بس والله انشغلت اوى... ااااسف

محمد...
وانت طيب يا صاحبى واخويا .. عارف يا محمد انت واللى زيك اللى مخلينى اشوف انى مش عبيط اوى يعنى ..لا وايه احب عبطى دة.. صحيح المجانين فى نعيم..
اشوفك قريب عشلن عارف انك مطحووووووون فى الشغل انت كمان.. سلام

بشووووى...
وانت طيب يا جميل .. وانت والله من الناس الجميلة اوى اللى حبتهم اوى .
وهستناك تعدى على بالمركبة بتاعتك بس بشرط ... اقعد جنب الشباك.

واحد من الناس::طارق:: يقول...

may...
وانتى طيبة يا مى وربنا يكرمك على كلامك الرقيق دة... بس المشكلة ان الناس الغلط دى بقيت هى اغلب الناس اللى حوالينا واللى مضطريين نتعامل معاهم فى البيت وفى الشارع وفى الشغل..

عموووور ..
وانت طيب يا جميل .. يا ابو اكلة ضعيفة زى اانجى

واحد من الناس::طارق:: يقول...

استاذ حسنى...
انا مش مصدق والله انا افتكرت حضرت نسيتنا.. والله حضرت واحشنى اوووى ونفسى اشوفك واقعد معاك.
كل سنة وحضرتك طيب وجميل وانسان واب .. معلش ماتزعلش من ابنك طارق والله يبارك فيك .. بجدددد فرحااااان اوى .

مادو...
وانت طيب ومتشكر جدا.

kasperb4...
ربنا يخليك على كلامك الحلو ..وشرف لى انك تبقى صديق المدونة والعائلة كمان.

واحد من الناس::طارق:: يقول...

رحاب ...
ازيك؟ وانتى طيبة يا رحاب وكل سنة وانتى كمان صح الصح.. بس مش جبنة بريزدو

Islamist Bloke...
وحضرتك طيب والف شكر على الاهتمام.

حمااادة ...
والله واحشنى ... عارف انى مقصر اوى معاك بس انا اتصلت بيك وقلتلك اد ايه كنت مشغول الفترة دى..
حاضر هابقى ادخل جوا الفلم شوية وعدى عليك اقعد معاك كمان.. بس اخاف الفلم يخلص ولا النور يقطع وانا جواه.

صاحب البوابة...
وانت طيب وبالف خير وشرف لى انى اكون صديقك.

ابو ضحى...
وانت طيب يا ابو ضحى يا جميل.. ولو عاوز وصفة للعبط سهلة اوى اقولهالك .. عامل الناس زى ماتحب انهم يعاملوك ... بس المشكلة انهم مش هايعملوك زى وانت بتعاملهم.. وصفة سهلة بس متعبة اووووى,

واحد من الناس::طارق:: يقول...

انجى .. حبيبة قلبى وعمرى وايامى وسنينى
انتى عارفة ان كل همومى واحزانى برميها فى حضنك عشان مليش غيرك.. وعارفة ان كل همومى بتدوب وتتبدل فرحة وامل ومشاعر حلوة كتير بمجرد انى اسرح فى وشك واسافر فى ملامحه اللى بتنسينى الدنيا وتسجنى جواها .
اسف حبيبتى مش هاقدر اخدك معايا فى المركبة اللى هاتخودنى من هنا ... لانها مش بتاعتى لازم نستأذن بشووى الاول.
حبيبة قلبى وعمرى وايامى وسنينى.. لازم نثبت للناس كلها ان حبنا دة غيرنا احنا الاتنين وخلانا احسن من الاول .. وان الاتنين العبط دول هايقدروا بعبطهم دة يدوبوا جدار التلج اللى بنا وبين ناس معينة.. انتى قولتيلى قبل كدة انسى اللى فات وحاول تسامح انا بعمل دة دلوقتى لكذا سبب ..عاوز اصفا من جوايا اتصالح مع نفسى زى ما اقولتيلى وعاوز اشكر ربنا على النعمة اللى بعتهالى -اللى هو انتى- وعوز اهلى يدعولك ويحبوكىىى اوى لما يحسو بالفرق من ساعة ما ارتبطنا.. لما يعرفوا انى البنى ادمة دى اقدرت ترجعنى ليهم تانى .. بضغط على نفسى عشان دة يحصل عشان بحبك اوى.. انتى كمان زى ماتفقنا... صح؟
بحبك ومليش غيرك

غير معرف يقول...

طبعا عرفتني
انا بكتب بس علشان اقولك حاجتين اولا ايه يا عم الكلام الجميل اللي انت بتكتبه ده دانا قربت احبك
ثانيا متنساش اني اول واحد حوالت اقربك من الاهل فاكر ولا لا ساعه الفراوله باللبن وسندوتش الكفته
واكتر حاجه بتعجبني انك تكتشف اني صح
وثالثا انا لو كان معايا رصيد كنت اتصلت بيك علشان اقولك الكلام اللي انا كاتبه ده بس هنا احسن علشان العفشه قافشه خالص
وانا عندي خبر حلو عني طبعا بس مش هكتبه هنا بردو هسيبك كده لغايه ماشوفك واقولك

Ert3ashat يقول...

كل سنه و انت طيب :)

البنت الشلبية يقول...

على رأيك كل ما بنكبر اكتر وبنتعامل مع ناس كتير قد ايه بنحس بغباء الناس

يا ساتر بكره لغباء والاغبية

انا يمكن احب اتعامل مع واحد زكى بكرهه
لكن مقدرش اتعامل مع واحد غبى واكون بحبه

وعلى فكرة مين مبيحسش انه مش من العالم ده...وكفاية انك لقيت نصك التانى مع انجى

ربنا يباركلكم يارب

ساعه الغروب يقول...

كل سنه وانت اطيب واطيب واطيب من كد كمان يا طارق

اللى لازم تثق منه يا طارق انك انت اللى كدا صح و ما تفكرش ابدا انك تتغير

ويا ريت كل الناس تبقى طيبه زيك زى ما اتمنيت

بجد ربنا يوفقك ويكتب لك كل خير يا رب

و ربنا يخليكو لبعض يا رب وما يحرمكوش ابدا من بعض

ربنا يوفقكو يا رب

:)

smraa alnil يقول...
أزال المؤلف هذا التعليق.
smraa alnil يقول...

عارفة انك زعلان
بس انا كمان زعلانة اكتر منك

بس برضه لسة بحبك
وكل لحظة بتمر عليا بحبك اكتر من الاول



عرفبدانا اللي زعلانة

واحد من الناس::طارق:: يقول...

حمادة..
واحشنى وانا عارف انى مقصر اوى بس معلش
هاتصل بيك لوقتى اعرف الخبر الحلو اللى عندك... يلا رد على التليفون

Ert3ashat
وانتى طيبة ... متشكر جدا

واحد من الناس::طارق:: يقول...

البنت الشلبية
الحمد لله طبعا انى لاقيت مش هاقولك نصى التانى ...لا ..الحمد لله انى لاقتنى

رضوى
وانتى طيبة ..ويارب اشوفك مبسوطة وسعيدة وتلاقى اللى بتدورى عليه واللى يستهالك

واحد من الناس::طارق:: يقول...

حبيبة عمرى وايامى وسنينى
انتى كتبتبى الكومنت دة وانا قاعد جنبك ومقرتوش ساعتها .. بس بعدها بعشر دقائق كنا متصالحين ..وشفتى اتصالحنا ازاى ؟..
عارفة. اى زعل بنا او سوء تفاهم بيقربنا لبعض اكتر .. لسببين.. الاول لحظة العتاب والصلح بتيقى حلوة اوى وبتورينا احنا اد ايه بنحب بعض ومش نقدر نستغنى عن بعض والسبب التانى انها بتضمن لكل واحد فينا ان سبب الزعل دة مش هايتكرر تانى ..صح ؟
بحبكككككككككككككككككككككككككككك

غير معرف يقول...

كل سنة وانت طيب يا طارق وانجى الجميلة معاك ... عايزة اقولك خليك زى ما انت لكن قنن مشاعرك تجاه الاخرين ساعتها هما اللى هيتمنوا ترجع عبيط زى ما بيقولوا واوعى تتغير لانك لو خرجت من نفسك هتتوه ومش هتعرف ترجع لها تانى ... نصيحة من واحدة عبيطة

رباب

غير معرف يقول...

عارف
سواء بمناسبة عيد الحب
او العبط
انا لسه النهاردة بس وبعد قصة دامت عشرين سنة
تصور قصة حب لمدة 20 سنة هى تلتين عمرى اكتشف ان الشخص الوحيد اللى حبيته واللى حبنى لدرجة ....
مكنتش عجباه وكان تحليلى للمواقف هو بس موافق عليه لانى كنت بس قدامه
تصور بعد ماعمرى عدى اكتشفت ان فى فجوة بينى وبين عمرى
طب احمد ربنا انك عرفت بدرى ان مفيش فايدة
ادعى بقى ان سفينة فضا يكون فيها مكانين فاضيين
ولا اقولك عشان انجى متزعلش
سفينتن فى كل سفينة مكان لواحد
واسمح لى انا اخد السفينة الاولانية

محمد مصطفى يقول...

اكيد انت مش غلط