١٦‏/١٠‏/٢٠٠٧

وراياتى التى طويت



مازلت رافعاً رايتى حتى تتبعينى الى تلك الجنة المنشودة.. الى ذلك البيت الذى طالما تخيلناه وعشنا فيه واسسناه شبراً شبراً حتى كنا نراه رؤى العين .. اعرف طريقى الى البيت واحتمله بكل صعابه وسخافاته ومهازله .. لا ازيغ عنه ولا احيد.

اوووووووووووعى تقولى انك فكرتى في اوووووووووووووووعى.
قولى انك فكرتى فى تغيرات المناخ على سطح الكرة الارضية وتأثيرتها المحتملة على انقراض بعض النباتات الاستوائية .. فكان قرارك كدة.
قولى انك فكرتى فى احتمال شن امريكا حرب على ايران واتساع دايرة العنف فى المنطقة .. فكان قرارك كدة.
قولى اى حاجة غير انك فكرتى في أو حتى افتكرتينى .. مستعد اصدق ان عشان مصلحة المناخ والنباتات الاستوائية وعشان امريكا وعشان ايران .. كان قرارك كدة .
ماهو مش ممكن ولا منطقى انك خايفة على لاحد يجرحنى بسكينة فتاخدى انتى منه السكينة وتغرزيها فى قلبى وتدبحينى كدة عشان مايقدرش يجرحنى تانى ... ممكن دة ؟؟؟؟؟؟؟ متهايئلى تفسير النباتات الاستوائية اوقع بكتييييييير.
عارف انى هاقدر ارجعك لحضنى تانى..
متأكد ؟ لا .. مش بقيت متاكد من اى حاجة.
عارفة لما ترجعيلى هاكمل معاكى حياتى واحلامى بس هافضل طول عمرى قلبى بينزف.

عودى الي سريعاً قبل ان اصلب على راياتى التى طويت.

هناك ٣٩ تعليقًا:

احساس لسه حى يقول...

عزيزى
انتا قولتها مش منطقى انها تخاف عليك من ان تنجرح من احد غيرها وهى التى تبدا بجرحك المنطقى ان تترك لك الاختيار واظن انها تثق فى قدراتك ومقدرتك على اختيار الاصلح لك
فاذاكان اختيارك به اوجاع وألام قول لها انه قصاد هذا الالم اشياء اخرى تحس بيها تجعل سعادتك اقوى من ألمك
فما معنى التضحيه اذا كانت من اجل لاشئ
اذا كانت بلاطعم ولا معنى
ارجوا ان تكون حاد معاها وقف قصاد اى محاولة للابتعاد عنك بكل قوة
فاذا قدرت على مقاومه حبك لها واصرت على الابتعاد عنك
فاعرف ان حبها لك حب اعمى لايعرف مدى حبك لها ولا يرى الا صوته وحده
تحياتى وامنيه بحل هذه المشاكل
سلام

Unknown يقول...

ان شاء الله هترجعوا

ان شاء الله

بس انت ماتستسلمش واديها فرصة تفكر بهدوء وماتسيبهاش


ربنا معاكوا

اللهم فرج كربك وكربها

غير معرف يقول...

مالك مستسلم ليه كدة انجي محتجالك حتي لو قلتلك غير كدة جواها بيتمني تقف معاها متخلوش حاجه تفرق بينكم الحب صغب نلاقيه ولما نلاقيه لازم نتمسك بيه الضربه اللي متكسرنيش تقويني ربنا معاكو وتعدوة الازمه دي

bastokka طهقانة يقول...

اتنشيتوا عين
بخر البلوج يا طارق
و ارقيها



اوروفوار

رفقة عمر يقول...

طارق بجد انازعلانه علشانك كتير وحاسه بيك
بس مش تياس واتحمل شويه وهى اكيد لحظه غضب وعزة نفس جعلتها تاخذ هذا القرار خوفا من انه يجى منك بسبب ظروفها التى تحياها هى بجد بتختبر تمسسك بها او عى تصدق قرارها انتظر لما تهدى وحاول تروح لها ومعاك بوكيه ورد جميل وان شاء الله كل شئ يتحل وترجعوا زى الاول واكتر اللهم امين يارب العالمين

غير معرف يقول...

السلام عليكم
ارجوك يا طارق لا تتخلى عن انجي فهي فقط في حالة انهيار وكابة لهذا اتخذت ذلك القرار.
هي الان تحتاجك بجانبها اكثر من الاول فساعدها للخروج من حالتها السيئة وحاول اقناعها انك لن تتخلى عنها رغم المشاكل التي تواجهها ورغم كل شيء
ربما يدور في عقلك انه لو كانت تحبك لما تصرفت هكذا وانا يا اخي اقول لك انها حقا تحبك وبل تحبك اكثر مما تتصور فهي ارادت لك السعادة وفكرت انها لن تستطيع ان تحقق لك تلك السعادة وانها لا تستحقك...لهذا قررت ان تضحي بنفسها من اجلك وهذه طبعا مجرد افكار في راسها بسبب الياس الذي تعاني منه. فاعلم انها الان تتالم اكثر منك
اذن لا تتركها واظهر لها حبك وتمسكك بها وان شاء الله كل شيء سيعود كما كان وبل افضل.
لقد كنت اتصفح النت ووجدت مدونة انجي فدخلت لها وقراتها كلها فاحسست بالفضول ودخلت مدونتك لاعرف ردة فعلك على قرار انجي و كتبت لك لانني احس بها وبما تمر به ولا اريد لحبكما الجميل ان يضيع فاصبر يا اخي ولا تقنط
تحياتي لكما

Unknown يقول...

اهي رجعت اهي

معلش ياطارق انت الوحيد اللي لازم تقدر ظروفها

انت عارف هي بتحبك اد ايه

واحيانا الانسان من حبه لحبيبه ياخد قرارات غبيه او مجنونه

وهي اهي رجعت

انسي اللي حصل واكمل مشوار معاها

ربنا يخليكو لبعض يارب

وتفضلو طول عمركم سوا

وصدقني هو مش اكتر من لحظة جنان ويمكن حسد ناس لحبكم

Hayam يقول...

طارق انت الوحيد الي عارف انها بتحبك رغم اي تصرف يمكن يكون جارحك .. بالذمة لو شفتها بتضحك حيفضل جرحك ينزف؟؟ ما اعتقدش

انا عارفة ان لما حتحس انها مرتاحة ورجعالك وهي مبتسمة وبتقلك سامحني
حتبقى الدنيا مش اسيعاك وحتكون اسعد واحد ومش حتبقى في حاجة اسمها جرح

عشان كذا اقف معاها
خليك معاها
استناها

هي متقدرش تعيش من غيرك
واكيد الي عايشاه بيوجعها قوي

حترجعوا اكيد

lolla يقول...

انا داخله بس عشان اقولك
غير الصوره دى ... عملتلى حاجات وحشه
جدا
بجد اثرت ف نفسيتى

دى هى الصوره بس ابلغ من الكلام

انا هقعد مكتئبه كده اسبوع قدام

وبطل بقى بلا النظريه الاستوائيه .. ولا ايران .. ولا هنولولو

استهدى بالله كده وارجع لانجى وخليك حلو
متسيبهاش اياك .. ادينى بقولك .. هطلعلك ف كوابيسك
بصورتى دى

Che The Hermit يقول...

يمكن معرفكش ولا اعرفها بس كلامها هناك عندها وكلامك هنا يخليني اتمنى ترجعوا لبعش بسرعة ربنا يحفظوا دايما لبعض وما يفرقش بينكوا اى حاجة مهما كانت

يا رب تكون فى حضنك قريب

تشي

البنت الشلبية يقول...

ارجعلها وسامحها واستحملها وخدها فى حضنك
حسسها بالامان
هوا ده الحب
ربنا يتمملكم على خير وعجل بجوازكم بقى عشان تقفل باب المشاكل وتخشو على مشاكل من نوع ىخر بس مشاكل لذيذة
سلام

neo007 يقول...

السلام عليكم طبعا انت نسيتني بس مش مشكله انا مش زعلان علشان انت عارف انك اعز صديق ليا مع انك منفضلي عرفتني طبعا بعد كلمه منفضلي دي
بس من الواضح ان مش عارف اي حاجه في اي حاجه وواضح من كلام الناس ان في بروبلم انا هقولك حاجه واحه لما تلاقي حد بيحيك وانت كمان تكون بتحبه اوعي تستغني عنه او تسيبه علشان انت عارف ان صعب تلاقي حد كده دلوقتي انا مستنني منك تليفون عرفتي ولا لازم اقولك اخوك الصغير حلاوه

Hayam يقول...

هو البوست ده مش حيتشال بقى؟؟؟

عايزين حاجة تفرح

السينيور يقول...

السلام عليكم

هو انا اول مرة ادخل هنا الاقي مشاكل كده

ان شاء الله خير

انا دخلت على مدونة انجى وقريتها كلها
ومن هناك عرفت مدونتك دى ودخلت

ولما لقيت البوست ده قولت لا الكلام ده مينفعش

انا صحيح معرفكمش شخصيا لكن حسيت بمشكلتكم

انت لو بتحبها بجد يا طارق عمرك ما هتتخلى عنها حتى لو هي اتخدت قرار خاطئ نتيجة ظروف صعبة هى بتمر بيها

اقف جمبها واوعى تتخلى عنها

اكيد هي لو بتمر بظروف صعبة محتاجاك انك تقف جمبها

اكيد انت اللي بتخلى حياتها احلى
وهي كمان اكيد بتفرق معاك اوي
متسبهاش يا طارق واقف جمبها

وان شاء الله نفرح فيكو قريب

ههههههههه

بس متبقاش تنسي تعزمنى على الفرح

حتى لو انتو في مدينة تانية انا اسافر واجيلكو مخصوص
ان شاء الله ده يحصل قريب

ربنا يوفقكو يا رب ويرجعكو لبعض على خير

تحياتى

السـيد شبـل يقول...

مدونتك رائعه... يارب تفضل زي ما انت مش عبيط

السـيد شبـل يقول...

نسيت اقلك... ان البنات مخها ضيق شوية... ومش هقلك انت لازم تستحمل او الكلام اياه....
لكن لازم تعاملهم على هذا الاساس ان عقلهم صغير...فى ناس اصحابم كمان ساعات بيبقى مخهم ضيق لازم تعامل كل واحد على حسب تفكيره هو

انا مش عارف نصيحتى ليك صح ولا غلط
لكن هما كلمتين كان نفسى اقلهم وادينى قاتهم
انا اضفت ليك لينك عندى
وهسنى زيارتك

البنت الشلبية يقول...

ايه الاخبار دلوقتى؟
متحرمناش من اخبارك انت وعروستك الجميلة

smraa alnil يقول...

حبيبي

وعمري ودنيتي كلها

واحشني اني اجيلك واعلق عندك

يا قلبي انت بقالك شهرين مش بتكتب حاجة

ممكن بس تفضي نفسك شوية وتكتب حاجة جديدة

مش هي دي المدونة اللي انت بتحبها هي مش وحشتك

وان كان يا عمري كله علي راياتك
يا ابني انا معاك

عايزاك ترجع زي الاول كدة

بحبك اوي اوي اوي

reri يقول...

الحمد لله
أنا دخلت في الوقت الصح
كويس إني رجعت بعد الإكتئاب ما راح
وعاد إلي السماء صفائها وغابت تلك الغيمه
ربنا يوفقكوا
ويسعدكوا

سلاماااااااااااااات

MAKSOFA يقول...

جيت علشان اشوف حبيب قلب أبنتنا سمراء النيل الجميله ، بصراحه لقيت عندها حق

dr.Roufy يقول...

الرايات المطوية..ستظهر من جديد..وترتفع
هكذا..اتمنى..وان شاء الله هكذا يحدث

ساره البحر يقول...

كل حاجه هتنحل باذن الله
انتم ما بتستغنوش عن بعض ولا هتعرفوا تعيشوا منغير بعض

البنت الشلبية يقول...

فينك؟
فى انتظار البوست القادم

بيتنا القديم يقول...

الأستاذ طارق
السلامو عليكم
محفظتك اللي ضاعت لاقيناها
وحفظنهالك في اللينك ده
بالتوفيق ان شاء الله
وحافظ عليها
زي ما هي بتحافظ عليك
مش المحفظة طبعاً
(:
يالا يا عم اللينك اهو
http://anooojy.blogspot.com/2007/12/blog-post_23.html#links
روح وخد محفظتك
(:
ربنا يسعدكم
(:
ويتمم لكم عالخير
ونشوف محافظ صوغننة ليكم
(:

hanan khorshid يقول...

انا اول مرة اتعرف عليك انت و انجى
و مبروك الرجوع
بس متسبهاش للحظات الضعف دى تانى
احتويها
و طمنها عليك قبل ما تطمنها على نفسها
عشان تحس ان الوضع الاصح دايما كده
و يا رب يكمل مشروع زواجكم على خير
و يظل حبكم للابد

beroo يقول...

ان شاء الله هترجعلك وترجعلها وتحيا النباتات الاستوائيه
بيروو

أسوور يقول...

جريدة الأسرة العربية
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها وصورهم
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو بتعليق على هذا البوست نفسه
يترك لينك البوست اللى عايز ينشره الجرنال له
تحت عنوان جريدة الأسرة العربية
الشـــــــــــــــــروط
-مراعاة الصحة اللغوية والنحوي والإملائية قدر الإمكان.
-مراعاة الا يزيد البوست المراد نشره فى الجريدة عن صفحة ايه فور.
- أولوية النشر تكون للبوستات التى فيها موضوعات عامة تهم فراء الصحف.
-اولوية النشر للبوستات التى ترسل على الميل المذكور أعلاه كفايل وورد مرفق.
الجريدة تصدر الإثنين من كل أسبوع

غير معرف يقول...

سلام عليك يا طارق
يمكن اول مرة ادخل عندك و اكتب تعليق و زعلانه جدا ان يكون اول تعليق عندك و انت و انجي زعلانين سوا
متعرفش اد ايه يتعب القلب اوي لما تلاقي ناس جميلة اوي بتحب بعض اوي و لما قابلتلكوا في الساقية يوم اجتماع المدونين قلت يا رب يجمعكوا علي خير يا رب
طارق و انجي كلامي مش موجه لحد واحد فيكوا
انا معرفش ايه المشكلة اللي حصلت بس اللي انا عارفاه ان اللي بينكوا من حب و احلام و حياه جميلة مهما كان فيها صعاب و مشاكل تستحق انكم تساندوا بعض فيها و تحاولوا تنقذوها لو حصل فيها اي تعب او خلل
بلاش تضيعوا حلم جميل و اجمل ما فيه انه في اوله و ان في النور
بلاش يا جماعة ارجوكوا و حياه كل لحظة جميلة عشتوا فيها سوا
و حياه كل حلم جمع ما بينكوا
و حياه كل ابتسامة و فرحة من القلب و كل كلمة قلتواها من جواكوا لبعض
ربنا يهديكوا و تفرحوا سوا يا رب و يجمع بينكوا علي خير يا رب
سلام
مها

Hayam يقول...

ياعم شيل البوست ده
البنت هناك لامة الناس ومش مصدقة نفسها انكم حتتجوزو

تيجي الناس تباركلك تلاقي الغسيل منشور

متشيل البوست وتفرح كده وتحطلنا حاجة فرايحي

مبروك ياطارق
مبروك يا انجي

ma 3lina يقول...

بارك الله لكما وبارك عليكما وجمع بينكما في خير وعلى خير

صب الله عليكما الخير صبا ولا جعل عيشكما كدا

الف الف مبارك

فوكيره يقول...

ربــنا يباركلكم ويكتبلكم لى فيه الخير
يــا طارق

ويبقا البوست ده مجرد ذكـرى وعدت


مبــروك الف الف الف مبروك ...
وربــنا يسعدكم يااااا رب

smraa alnil يقول...

طارق غير البوست دة بدل ما اقلب الدنيا عليك

وانت فاهمني

ماشي يا حبيبي

روح يقول...

اية دة

اية ياعم طارق اللي حصل
مالها جيجي

لالا بقي لموضوع دة ان شاء الله
لازم يتحل

دة انتوا اللي شجعتوني
علي الخطوبة والله
بعد ما كان اصعب قرار في حياتي

ابقي طمنا عليكم
وربنا يكرمكم

عرب العرب يقول...

من عرب العرب ادخلوا على موقعي عرب العرب وهو=uvfhguvf.blogspot.com

عرب العرب يقول...

من عرب العرب ادخلوا على موقعي عرب العرب وهو=uvfhguvf.blogspot.com

غير معرف يقول...

أين ذهب هذا المبلغ الضخم وهو " 130 مليار دولار" ؟.....؟

فى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟ و لمزيد من التفاصيل أذهب إلى مجموعة مقالات ثقافة الهزيمة فى هذا الرابط:

www.ouregypt.us

IBN BAHYA - إبــن بهيـــــــــــــة يقول...

ربنا يوفقك
تحياتي

IBN BAHYA - إبــن بهيـــــــــــــة يقول...

التعليق عالق مش راضي يطلع
عموما تحياتي للمرة الثالثة

يا رب توصل

صور مشبات رخام\مناقل مشبات\تفصيل مناقل يقول...

السلام عليكم

جزاك الله خيرا اخى على الموضوع الجميل
نفعنا الله واياك بكل خير ونفع بنا العباد

تحياتى لجهدك الطيب
صور مشبات
http://shomane.blogspot.com/

http://mchabat.3abber.com